നത്തിനു കിട്ടിയ കത്ത്

കുഞ്ഞിപ്പാട്ടുകൾ പാടാം ആടാം ആസ്വദിക്കാം..

അമ്പട ഹയ്യട പാഞ്ഞുവരുന്നേ
ചേലേറുന്നൊരു ചുണ്ടൻ വള്ളം
തിത്തെയ് തെയ്‌തെയ് പാടിവരുന്നേ
ചുണ്ടനിലുള്ളൊരു തണ്ടുവലിക്കാർ
'വലിയെടാ തുഴയട..' അലറീടുന്നു
അമരത്തുള്ളൊരു കുട്ടപ്പൻ
'തിത്തോ...താരോ' പാടിയിരിപ്പൂ
മൊട്ടത്തലയൻ കുഞ്ഞാപ്പൂ
ആർപ്പും കുരവയുമൊട്ടിങ്ങനെ
കരയിലിരിക്കും കാണികളും
കൊട്ടുംമേളവുമെല്ലാം കൂടി
വള്ളംകളിയത് ബഹുകേമം!