നത്തിനു കിട്ടിയ കത്ത്

പാടാം ആടാം ആസ്വദിക്കാം..

പച്ചിലപ്പൊത്തിലൊളിച്ചിരിക്കും ,

പച്ചനിറമുള്ള കൊച്ചു കള്ളൻ,

മഞ്ഞ നിറമുള്ള പൂക്കൾക്കൊപ്പം,

മഞ്ഞയുടുപ്പു ധരിച്ചു നിൽക്കും

മാമരക്കൊമ്പിലിരിക്കും നേരം,

ചാരനിറത്തിലവനെക്കാണാം.

ഉച്ചയ്ക്കാ,ചെമ്മൺ വഴിയിലൂടെ,

ചെമ്പട്ടുടുത്തു നടന്നിടുന്നു.

മെച്ചത്തിലിങ്ങനേ ,

വേഷംമാറും .

ചെക്കന്റെ പേരെന്ത് ചൊല്ലിടാമോ

പേരെന്തതായാലുമൊന്നുചൊല്ലാം,

ആളൊരു വീരനാണെന്നറിക.

രചന : ഹരീഷ് ആർ. നമ്പൂതിരിപ്പാട്