നത്തിനു കിട്ടിയ കത്ത്

പാടാം ആടാം ആസ്വദിക്കാം..

തളിരിളംതൈകൾക്കു മമ്മയെപ്പോലെ, താങ്ങായ്ത്തണലായ് ,വാണൊരമ്മ.

തോരാത്ത കണ്ണീരു ബാക്കിവച്ച് ,

കാണാമറയത്തകന്നുപോയി ,

തോരാത്ത രാത്രിമഴ പ്പെയ്ത്തുപോലെ,

മൂളാൻ , മറന്നുള്ളോരീണം പോലെ,

കാടും മലകളും , കാട്ടാറിന്നീണവും ,

കാവും കുളങ്ങളും ,

കാനനഭംഗിയും ,

ഇവിടെയുപേക്ഷിച്ചകന്നുപോയി.

മഴുവേന്തി മാമരം വെട്ടാനണയുന്ന,

ഇരുകാലി ജന്തുവിൻ കൈതടുക്കാൻ ,

വലവെച്ചു കിളികളെ കൂട്ടിലാക്കും,

വനവേടൻമാരെ തടുത്തിടുവാൻ ,

ഇനിയില്ല കവയിത്രിയമ്മയില്ല ,

അഭയമൊരുക്കുവാനാരുമില്ല,

കിളിപാടും കാവുകൾക്കെന്നുമെന്നും,

ബലമുള്ള കാവലായമ്മയില്ല ,

അബലകൾക്കാശ്രയമായി മന്നിൽ ,

സുഗതകുമാരിയാം അമ്മയില്ല.

രചന : ഹരീഷ് ആർ. നമ്പൂതിരിപ്പാട്